جدید اور آسان طریقہ تقسیم وراثت

 اب  سائنس نے ترقی کرلی اور جدیدکیلکولیٹر ایجاد کر لیا  جس سے ایک عام استعدادکے حامل آدمی کے لئے بھی علم وراثت کا حصول بہت ہی  آسان ہوگیا ۔  اس لیے اب صرف منقسم علیہ عدد  ڈھونڈنے کے لئے تداخل تباین توافق تماثل سے حل کرنے میں توانائی صرف کرنا فضول ٹھہرا۔ اس جدید طریقہ  کی مدد سے  کوئی بھی شخص  صرف اور صرف چند دنوں تقسیم وراثت بآسانی سیکھ سکتا ہے ایک مڈل پاس طالب علم کے لیے ایک  ہفتے کا کام ہے   اور ایک عالم  صرف اور صرف ایک دن میں بھی سیکھ سکتا ہے

جبکہ دینی مدارس کے  نصاب میں شامل مشہور کتاب سراجی  کے ذریعے علم وراثت   اتنا جلد سیکھنا ناممکن تو نہیں کہا جاسکتا  البتہ انتہائی مشکل ضرور ہے اس مضمون کے تحریر کرنے کا ایک مقصد یہ بھی ہے  علماء کرام  بھی اس جدید طریقہ کو چیک کریں ۔ اللہ تعالیٰ  اس کا اجر انہیں عطاء فرمائے آمین

اب اس طریقہ کو انتہائی آسان اور وضاحتی انداز پیش کیا جاتا ہے تاکہ نہ صرف علماء بلکہ طلباء   بلکہ دیگر اہل علم بھی اس سے  آسانی سے استفادہ کرسکیں اور انہیں کسی دقت  اور مشکل کا سامنا نہ کرنا پڑے

اس طریقہ میں ہر مسئلہ  کو 24  سے ہی حل کرلیا جائے کیونکہ تقسیم وراثت میں صرف  مندرجہ ذیل اعداد پر ہی حصص تقسیم ہوتے ہیں(2 ،3، 4، 6، 8 ،12 ،24 )،اور 24  کا عدد  دیگر ہر چھوٹے عدد پرتقسیم ہوسکتا ہے ،اور کیلکو لیٹرکی وجہ حسابی عمل کی پیچیدگی اور طوالت بھی نہیں ہوگی،اب صرف آسانی کی خاطر منقسم علیہ عدد  ڈھونڈنے کے لئے تداخل تباین توافق تماثل سے حل کرنے میں توانائی صرف کرنے کا کیا فائدہ   ؟

اس نئے طریقہ کار میں  ترکہ کےکل  24  حصے  فرض کرنا اور پھر اسی تناسب سے وارث کے حصے کو بھی بڑہانا ہے ۔

مثلا:   اولاد کی موجودگی میں بیوی کا حصہ  آٹھواں  یعنی   8/1 ہوتا ہے اسے 24 میں تبدیل کرنے سے 24/3 ہوجائے گا اسی طرح بیٹوں کی غیر موجودگی میں دو بیٹیوں کو دو تہائی  یعنی 3/2 ملتا ہے اسے 24 سے تبدیل کرنے پر 24/16 ہوجائے گا یہ  ایک آسان سی بات ہے  البتہ اس کے لیے  سب سے پہلے ذوی الفروض کے حصص   اور عصبات کی ترتیب معلوم ہونا ضروری ہے ان کے سامنے اس  نئےاور جدید انداز سے حصے بھی لکھ دیئے  ہیں۔

نقشہ نمبر 1

پہلے ورثاء(   ذوی الفروض ) کے حصے

تکملہ ثلثین:

اگر میت کی دو یا دوسے زائدہ بیٹیاں ہوں تو ان کو دو تہائی ملے گا  اس صورت میں اگر کوئی پوتی ہو تو وہ محروم ہو جائے گی اور اگر ایک بیٹی ہو تو اس کو نصف ملتا ہے اس صورت میں اگر ایک پوتی ہو یا زائد ہوں تو ان کو سدس ملتا ہےاس طرح ان  دونو ں کامجموعی حصہ دو تہائی بن جائے گا  (24/4+24/12  =24/16) جوکہ دو بیٹیوں کا مخصوص حصہ ہے۔

ان ذوی الفروض سے جو ترکہ بچے گا وہ درج ذیل ترتیب سے عصبات میں تقسیم ہوگا ان میں  سے سب سے قریبی یا پہلے نمبر والا  وارث باقی تمام دوسرے ورثاء کو محروم کردیتا ہے

نقشہ نمبر 2

ترتیب عصبات اور        عصبہ ورثاءکے حصے

جتنے وارث  زندہ موجود ہوں ان کے نام لکھ کر ان کے سامنے اس چارٹ کی  مدد سے  ان کے حصے بھی لکھتے جائیں  شرائط   کا خاص خیال رکھیں جن ورثاء کو کسی وارث کی وجہ سے حصہ نہ ملے اس کے سامنے محروم لکھ دیں باقی ہر وارث کے  حصےکو کل ترکہ سے ضرب دیدیں جواب تیار ہے ۔

مسائل متفرقہ :

(1)اگر میّت کے وارث صرف نانا اور نانی ہی زندہ ہوں باقی کوئی بھی نہ ہو تو سارا ترکہ نانی کو ملتا ہے نانا محروم ہوتاہے

(2) مندرجہ ذیل لوگ وارث نہیں ہو تے ، سوتیلا باپ ، سوتیلی ماں ، سسر ، ساس ،بہو، دیور ، نند ، بھاوج ، سالے ، سالیاں ، وارث مردکی بیوی ، وارث بیوی کا خاوند ، منہ بولا بیٹا ۔

مذکوہ جدید طریقہ کی چند مثالوں سے وضاحت کی جاتی ہے :

مثال نمبر  1:

     میت شریف صاحب کے ورثاء  میں   ان کی ماں ،ایک حقیقی بہن ،ایک علاتی(سوتیلا) بھائی، ایک بیٹی اور ایک پوتی ہےاور ان کا    کل ترکہ  1000 روپے  ہے تو اسے درج ذیل انداز سے بڑی آسانی سے تقسیم کیا جاسکتا ہے ان کے بالترتیب نام لکھ کر چارٹ کی مدد سے حصے بھی لکھ دیں اور پھر کل ترکہ کو حصے سے ضرب کردیں جواب بالکل آسانی سے تیار ہے  ۔

 ایک حقیقی بہن کو چھوڑ کر باقی تمام ورثاء کو  کل مال کا  24/20 حصہ مل گیا اب بقایا 24/4 حصہ بچ گیا ہے جو اس کی حقیقی بہن کو ملے گا لھذا

لھذا اب اسے ترتیب سے لکھا جائے

مثال نمبر   2:            ترکہ   1000

 اس میں ذوی الفروض کے کل تقسیم شدہ  24/14 حصے  ہیں بقایا  24/10 حصےبچ گئے جو  عصبہ کو ملیں گے جوکہ یہاں والد ہے گویاوالد کو ذوی الفروض کے حصہ کے علاوہ عصبہ کا بھی حصہ ملا  اس طرح  اسے 24/10+4 =24/14 حصے ملیں گے

 مثال نمبر   3:            مسئلہ عول

اکثر مسائل 24 سے حل ہوجاتے ہیں لیکن کبھی ورثاء کے حصوں کی تعداد بڑھ جاتی ہےاس صورت میں  حصوں کو چھوٹے کرکے  ان کی تعداد کوبڑھا دیا جاتا ہے  اسے عول کہا جاتا ہے اور یہ عول زیاد ہ سے زیادہ چالیس تک ہو سکتا ہے۔  اس  جدید طریقہ میں عول  [i]کے مسائل بھی اسی انداز سے بڑی آسانی سے حل کیے جاسکتے ہیں۔

مثلا   :                میت جمیل کےورثاء  2 بیویاں ، ماں ،باپ، 2 بیٹیاں اور ترکہ 1000ہے

 ان ذوی الفروض کے حصص جمع کرنے پر 27 ہوگئے تھے اس لیے کل  قابل تقسیم حصص ہی 27 کردیئے

مثال نمبر 4: وارثاء      ایک بیوی،ماں،ایک علاتی اور ایک اخیافی بہن ،اور ایک نانی             ترکہ  39000

 یہاں کل 26  حصےبن رہے تھے اس لیے انہیں 26 پر ہی تقسیم کردیا گیا

مثال نمبر 5:          مسئلہ رد              

اگر ذوی الفروض  ورثاءکے علاوہ  عصبات  میں سےسیریل  نمبر 26  تا 33 کوئی وارث نہ ہو تو بقیہ ترکہ کو خاوند اور بیوی نکال کر باقی ورثاء پر ان کے حصوں کے تناسب سے تقسیم کیا جاتا ہے  چونکہ خاوند بیوی صرف نکاح سے ایک دوسرے کے وارث بنے ہیں اس لیے انہیں  ذوی الفروض سببی کہا جاتا ہے  کہ یہ ایک سببی اور اتفا قیہ رشتہ ہے اس لیے انہیں مسئلہ رد میں شامل نہیں کیا جا تا جب کہ دیگر ورثاء ذوی الفروض نسبی (نسبی وارث)کہلاتے ہیں  ۔

مثلا ایک آدمی مرا اور اس کے ورثاء میں ایک بیوی،ایک حقیقی اور ایک علاتی بہن اور اس کا   ترکہ  80000 

 یہاں کچھ حصے (24/2)بچ گئے ہیں انہیں صرف ذوی الفروض نسبی پر ان کے حصوں کے تناسب سے تقسیم کیا جائے گا اس لیے ایک بار مزید تقسیم ہوگی  یہاں ذوی الفروض سببی بیوی ہے۔ اس   دوسری تقسیم میں اس کے حصے ختم کرنے پر  بقایا ترکہ  ان کے اپنے حصوں کے تناسب سے تقسیم ہوگا   اور ان  باقی  دو ورثاء  حقیقی بہن اور علاتی بہن کے حصے   12+4=16 ہوتے ہیں  یعنی دوسری تقسیم میں بیوی کے 6 حصے نکال کر بقایا 18  حصوں کو بالترتیب 16 اور 4 کی نسبت سے تقسیم کیا جائے گا

مثال نمبر 6:          مسئلہ رد               ترکہ  24000 

 مثال نمبر 7 :

ایک عورت امام ابو حنیفہ رحمہ اللہ  کے پاس آئی اور کہا میرے بھائی نے چھ سو  اشرفیاں  ترکہ چھوڑا  مجھے صرف ایک  اشرفی دی گئی ہے۔

امام صاحب نے پوچھا کہ ترکہ کس نے تقسیم کیا تو اس نے  کہا کہ آپ کے شاگرد شیخ داوٴد طائی نے   ترکہ تقسیم کیا ہے توآپ نے فرمایا وہ ناحق ظلم کرنے والا نہیں۔     امام صاحب نے کہا  اچھا یہ بتا کیا تیرے بھا ئی کی دادی ہے اس نے کہا ہاں ۔

امام صاحب نے پوچھا کہ کیا تیرے بھائی کی دوبیٹیا ں بھی  ہیں اس نے کہا ہاں ،امام صاحب نے پوچھا کہ کیاتیرے بھائی کی بیوی بھی ہے اس نے کہا ہاں ، امام صاحب نے پوچھا کہ کیاتیرے بھائی کے بارہ بھا ئی بھی ہیں اس نے کہا ہاں  ،امام صاحب نے فرمایا  پھرتیرا حصّہ ایک ہی اشرفی بنتی ہے ۔ اس واقعہ کو جدید انداز سے  یوں لکھا جائے گا

ورثاء       ایک بیوی،  2 بیٹیاں ، 12 بھائی، 1 بہن ، اور دادی    کل ترکہ                600

ذوی الفروض کو ترکہ تقسیم کرنے کے بعد صرف ایک حصہ بچا جو میت کے بارہ بھائیوں اور ایک بہن میں تقسیم ہوا

صرف ان سات مثالوں سے یہ جدید طریقہ بخوبی سمجھ آسکتا ہے  اور ذوی الفروض اور عصبات کے تمام مسائل چند منٹوں  بآسانی حل ہوسکتے ہیں۔ باقی تیسری قسم ذوی الارحام ورثاء  کا شاذ و نادر ہی کوئی ایک کیس ہوسکتا ہے

Modern and Simple Inheritance Distribution Method